(Média F-FDTL) Chefe Estado Maior General Forsas Armadas (CEMGFA) (Sigla Português) Partisipa iha Serimónia Tomada de Posse ba Konsellu Administrativu foun, ne'ebé realiza iha Auditóriu Instituto Defesa Nacional (IDN), iha Palásiu Governo, Tersa-Feira 23/06/2025 ne'e.

iha Serimónia refere ofisialmente fo posse husi Ministru Defeza (MD), Kontra-Almirante Donaciano Costa Gomes Ph.D "Pedro Klamar Fuik", ba Konsellu Administrativu Foun hanesan Dr. Nuno Corvelo Sarmento Nu'udar Diretór Interinu IDN, Dra. Josefa dos Reis Gonçalves asumi kargu nu'udar Diretóra Jerál Jestaun no Rekursu no Kapitaun Fragata Graduadu Nicolau Sousa Guterres nu'udar Diretór Ensinu Formasaun, hodi Subtitui Konsellu Administrativu Sesante Dr. Guilherme de Jesus da Costa Soares no Kapitaun Fragata Duarte Borges Loe.

Serimonia Refere bazeia mós ba determinasaun no Vizaun estratéjika husi Ministériu Defeza atu reforsa kapasidade IDN no kontinuidade lideransa iha Institutu defeza nasionál nune'e Tomada de pose ne'e mós reflete ona kompromisu forte ba inovasaun, revitalizasaun, no fortalesimentu institusionál IDN ba tempu oin.

Nune'e mós Membru Governu Da-9 ne'e husu lideransa foun ne'ebé asumi kna'ar foun husu atu responsabiliza hodi implementa polítika edukasaun defeza, investigasaun Sientífika no promosaun kooperasaun institusional, nune'e reforsa mós papel IDN hanesan sentru estratéjiku edukasaun seguransa no defeza nian iha Timor-Leste.

Hafoin Serimónia ne'e remata Ministru Defeza, Akompaña mós husi Xefi Estadu Maior Jenerál F-FDTL entrega sertifikadu rekoñesimentu ba Diretór Interinu sesante Dr. Guilherme de Jesus da Costa Soares no mós Kapitaun Fragata Duarte Borges Loe nu'udar onra ida ba kontribuisaun sira Durante asume pozisaun iha IDN.

Iha serimónia ofisiál ne'e, marka prezensa husi Ministru Defeza, Kontra-Almirante Donaciano Costa Gomes Ph.D "Pedro Klamar Fuik", Xefi Estadu Maior Jenerál F-FDTL, Tenente-Jenerál Domingos Raúl "Falur Rate Laek" Ofisiais Superiores husi F-FDTL, Ofisiais husi PNTL, Prezidente Komisaun Funsaun Públika Dr. Agostinho Letêncio de Deus no mós asesór, jestór no funsionáriu sira hotu husi IDN, seguransa no Defeza inklui mós Funsaun Públika.

Ekipa Média F-FDTL

Dili 20 Agostu 2025

(Média F-FDTL), Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál Domingos Raúl “Falur Rate Laek” sai oradór iha Semináriu Internasionál ho tema Defeza Nasionál hodi estabelese ensinu superior Militár iha futuru.

iha Seminâriu ne'e Xefi Estadu Maior Jenerál F-FDTL ne'e agradese ba partisipante sira no mós Sub-Xefi Estadu maior Jenerál Forsa Armada Portugal ho disponibilidade tomak hodi partsipa iha semináriu ne'e.

“Ha'u kontente partisipa iha semináriu Internasionál ne'e sobre ensinu superior iha Timor-Leste, ne'ebé hetan konvida husi Ministru Defeza, ha'u hakarak hato'o ha'u nia saudasaun ba partisipante sira hotu espesiál ba Sub-Xefe Estadu Maiór Jenerál Forsa Armanda Portugal no konvidadu sira hotu,” Hateten Tanente Jenerál.

Nia hatutan, hafoin Timor-Leste hetan nia independénsia, la’ós fásil atu muda forsa gerilla ida ba forsa kondisionál no profisionál la fasil Maske nune’e iha antigu kombatente libertasaun nasionál halo iha momentu liu bá.

“ FALINTIL konsege restaura seguransa nasionál hafoin ne’e kulmina iha proklamasaun unilaterál iha loron 28 fulan-novembru tinan 1975 no hahú husi ne’ebá FALINTIL nafatin kumpri komandu hodi luta ba libertasaun Nasionál to hetan nia independensia” Hakotu Eis Fununu na'in ne'e.

Ekipa Média F-FDTL

Dili,15 Agostu 2025

(Média-F-FDTL), Sexta-Feira ne'e Chefe Estado Maior General Força Armada (CEMGFA-sigla portugues), Tenente Jenerál Domingos Raúl " FALUR RATE LAEK " sai hanesan oradór prinsipál ba Meet the press ho Topiku "50 anos FALINTIL no Processo de Libertação Nasional e no Condtrução de Estado".

Iha nia intervensaun hateten iha Loron 20 de agostu mak loron ida ne'ebé FALINTIL ida ne'e eziste hodi kontinua luta ba libertasaun nasionál ba povu Timor-Leste no Nasaun ida ne'e.

"Luta ida-ne'e nia objetivu atu alkansa proklamasaun unilateral independénsia, ne'ebé merese ita halo serimónia FALINTIL ba dala-50 atu dignifika loron ida ne'e hanesan loron nasionál no ita hahí no hanai ita nia Heroino no heroina, Antigu komabatentes Fundadór movimentu libertasaun nasionál hanesan Dr. Xavier do Amaral, Nicolau Lobato, vise Prezidente Mauliar, Komisariu polítiku nasionál saudozu Sahe, Maukruma, Cezar Maulaka, ajdunto Nahabere, adjunto Tripas, nomós sira ne'ebé heroitamente sé sira nia hirus matan inimigu nia bala iha Kampu da batallaun"tenik TenGen.

Nia hatuntan tan katak, la'os ida ne'e deit maka ita halo omenazea, ita mós omezlnazea heroi no martires sira hot-hotu ne'ebé apoiu no ajuda partisipa iha funu ba libertasaun nasionál too mai ita hetan livre independénsia.

Sekretáriu Estadu Komunikasaun sosial Sr. Expedito Dias Ximenes realiza programa Meet the Press kada fulan dala ida, no fulan ida ne’e Xefe Estadu Maiór Jenerál FALINTIL-Forsa Defeza Timor-Leste, Tenente Jenerál Domingos Raúl "FALUR RATE LAEK" sai oradór prinsipál iha Meet the Press ba Dala-9 hodi konta istória kona-bá Ezisténsia FALINTIL ba dala-50 iha Prosesu Libertasaun nasionál no Konstrusaun Estadu.

Atividade Meet the press ne'e realiza iha Salaun Ministériu Transporte Telekomunikasaun Kaikoli iha sesta-feira semana nee.

Iha programa ida ne'e partisipa husi Prezidente Diretór Informasaun Xefe Redasaun sira husi instituisaun Média Estadu no Média Privadu, Prezidente asosiaisaun Jornalista sira.

Ekipa Média F-FDTL

J'Silva

(Média F-FDTL) Kuarta-Feira, 02/07/2025 ne'e Chefe Estado Maior General das Forsas Armadas (CEMGFA-sigla Português) Tenente Jenerál Domingos Raul "Falur Rate Laek" hetan vizita ida husi Fundasaun Falur Rate Laek (FFRL) ne'ebé Reprezenta husi Sr. Clementino Pereira ne'ebé dadaun halo Parseira ho Telkomcel Reprezentante Sra. Joana Miranda ho ekipa ida aprezenta progresu servisu ba Xefi Estadu Maior Jenerál kona-bá lansamentu Fatuk Dahuluk ba Turismu Históriku iha Manuboe Loihunu, Munisipiu Vikeke.

Tuir Planu Turismu Históriku ne'e sei iha hela Faze Preparasaun husi Fundasaun Falur Rate La'ek (FFRL) ne'ebé mak parseira diak tebes ho Telkomcel nune'e tuir planu sei halo lansamentu iha tempu badak nune'e konstrui husi Empreza Lokal Luminar Unipessoal Lda.

Ekipa Média F-FDTL

Boni Mendonça