Metinaru 25 Agostu 2025
(Média-F-FDTL), Segunda-Feira ne'e Komandu FALINTIL-Forsa Defeza Timor-Leste liu husi Xefe Estadu Maior FALINTIL-FDTL (CEMFA) Brigadeiru Jenerál José da Costa Soares "TRIX" Halo abertura ba Ezersísiu HARI'I HAMUTUK ba dala-XII iha Baze Forsa Apoiu Geral (FAG) Metinaru.
"Ohin ita hahú programa ida ne'ebé ezijente no prátiku ne'ebé hametin interoperabilidade, aprofunda domíniu tékniku no harii konfiansa iha ita nia forsa sira, Ita iha priviléjiu atu serbisu hamutuk ho belun sira no mentór sira husi Forsa Auto-Defeza Rai Japaun, Forsa Defeza Nova Zelándia, Estadus Unidus no Forsa Defeza Austrália nian"
"Orgullu mós ba membru F-FDTL sira ne’ebé fó sira nia dedikasaun no dixiplina sei transforma formasaun ba kapasidade ne’ebé sei dura, Objetivu husi ezersísiu ida ne'e klaru Prepara ita nia forsa sira ba misaun sira iha mundu reál resposta ba dezastre, azisténsia umanitária ka operasaun seguransa nian liu husi formasaun ne'ebé realistiku bazeia ba padraun sira".
"Interoperabilidade Aliña prosedimentu, komunikasaun no lideransa atu nune'e ita funsiona hanesan ekipa ida de'it iha presaun nia laran, Hasa'e kapasidade Hametin no fahe koñesimentu tékniku, lojístika, enjeñaria, apoiu médiku no sistema komandu sira ne'ebé maka sustenta susesu misaun nian"
"Hametin konfiansa Tékniku sira bele hatene lalais konfiansa hetan liu husi tempu, servisu no esforsu hamutuk Esforsu treinu nian ne'ebé ita-boot sira sei aprende mak hanesan, Manutensaun ba ekipamentu pezadu sira, Konstrusaun horizontál, Manutensaun ba kilat ki'ik sira, Soldadura, Enjeñaria kombate inklui mós purifikasaun bee, Manutensaun ba motór ki'ik, Konstrusaun vertikál, Mandor fatin konstrusaun nian, Médiku, Catering, Treinamentu postu komandu, Mentorizasaun Instrutór Treinamentu Fíziku nomós Treinamentu manutensaun ba ró ki'ik sira, Atividade sira ne'e abranje espektru tomak husi apoiu no lideransa servisu kombate nian".
"husi purifikasaun bée ba mobilidade no saúde ba komunikasaun sira ne'ebé robusta no tomada desizaun komandu husi kualidade obra vertikál sira to'o abilidade supervizaun husi mandor sira husi kuidadu klíniku no ijiene to'o servisu hahán nian hodi sustenta morál husi dirije formasaun fíziku ba manutensaun Marítima ne'ebé sustenta Operasaun sira iha tasi".
"Atu ezersísiu ida ne'e sai susesu ba partisipante hotu-hotu, hanoin nafatin pontu xave sira, Seguransa maka responsabilidade komandu nian no ema hotu nia devér, Kualidade duke lalais, Respeitu no inkluzaun ba Forsa Auto-Defeza Rai Japaun, Forsa Defeza Nova Zelándia, Estadus Unidus no Forsa Defeza Austrália obrigado ba ita-boot nia matenek, pasiénsia no parseria".
"Ba pesoál F-FDTL imi-nia profisionalizmu mak ita nia orgullu no ita nia promesa ba povu ne’ebé ita serbí ba planeador, lojístiku, médiku no instrutór, ita-boot sira nia preparasaun estabelese kondisaun sira ba susesu, Iha loron hirak tuir mai, treinu maka'as, ho seguru no hamutuk Kaer metin padraun sira kona-ba dixiplina no respeitu ba malu Mai ita husik ezersísiu ida ne'e forte liután, koezivu liután, no prontu liután ho autoridade ne’ebé fó ba ha’u, ha’u deklara Ezersísiu Harii Hamutuk nakloke Treinu ho di'ak Harii hamutuk, Serbi ho onra "Hakotu CEM.
Partisipa iha Abertura ne'e mai husi CEMFA, Komadante FAG, Representante Komandante husi Componente Forsa Terrestre, Naval, Aeréo, Adidu Defeza husi Australia, New Zeland, Amerika, Japaun inklui mós Forsa konzunta sira ba ezersisiu Refere.
Ekipa Média-F-FDTL
Nhoy Borges
