Ermera, 20 Novembro 2025

 

Ekipa ida husi Departamento Cooperação Civil e Militár (CIMIC) lidera husi Tenente Helio Gonçalves Akompaña husi Ofisial Ligasaun Postu Glenu Tenente José Nelson no mos Departamentu Saúde Militár Alferes Jerico Bianco halo kordenasaun ho Representante PAM Ermera Paulina do Rosário Lemos hanesan Sekretaria Asunto Sosiais e Organização no mós Xefe Suku Nain lima husi Postu Hatulia B Munisipiu Ermera.

 

husi kordenasaun parte ida hodi identifika Eskola no benefisiarios sira, ne'ebé sei fó apoiu material Didátika bá estudante sira no farda desportivas bá joven sira inklui fó Palestra kona-bá Istória FALINTIL-FDTL,no halo sensibilizasaun kona-bá moras rabies husi Diresaun Saúde Militár husi atividade ne'e atu komemora loron proklamasaun Independénsia 28 Novembru bá dala-50 iha Munisípiu Ermera Postu Hatulia B.

 

Departamentu CIMIC hanesan Departementu ida ne'ebé reforsa Imagen e Ligasaun FALINTIL-FDTL hakbesik bá Povo e mós haklean Valores e Istória luta bá Libertasaun Nasionál FALINTIL nian.

 

nune'e atividade ne'e halo Bazeia mós bá Diretiva, 11/2024' ho Conceito katak Atu hala’o konjuntu atividade sira hodi fó apoiu bá populasaun, promove imajen FALINTIL-FDTL nian no divulga istória Frente Libertasaun Nasionál no FALINTIL nian iha populasaun sira-nia leet, hodi buka hadi’a sira-nia kondisaun moris no hametin sentimentu patriótiku, koezaun no identidade nasionál populasaun no jerasaun foun sira-nian.

 

Ekipa Média F-FDTL

Boni Mendonça

Tama ba iha loron daruak Ekipa Konjunta F-FDTL, MD, MNEK, MS, IGE no Bombeirus hala'o enkontru hodi prepara ba apoiu Humanitariu iha Nasaun Filipina

Enkontru loron daruak ne'e kolia liu-liu ba preparasaun kona-bá Apoiu humanitáriu no protesaun sivíl ba Repúblika Filipina nune'e Ekipa konjunta ne'e kompostu husi FALINTIL-Forsa Defeza Timor-Leste (F-FDTL), Ministériu Defeza (MD), Ministériu Negósiu Estranzeiru Kooperesaun (MNEK), Ministériu Saúde (MS), Inspesaun Geral Estadu (IGE) no Bombeirus.

Nune'e ekipa konjunta ne'e F-FDTL hamutuk nain 120 ne'ebé mak hamutuk ho Ministeriu Relevantes sira, tuir orariu sei aranka ba Repúblika Filipina iha Kuarta-Feira semana oin dia 12 Novembru 2025.

 

Membru hirak ne'e ba halo misaun iha Repúblika Filipina durante loron rua nulu maibé depende ba servisu, karik servisu hotu sedu sira sei fila no karik servisu seidauk hotu nia sei aumenta loron, maibé loron ne'ebé mak Governu Timor-Leste fo maka durante Loron rua nualu.

 

Ekipa Média F-FDTL

J' Silva

Maliana,Tunubibi 27-28 Outubru 2025

 

Komandu FALINTIL-Forsa Defeza Timor-Leste (F-FDTL) Liu Husi seksaun Jéneru hamutuk Diresaun Saude Militár (DSM), Justisa Militár, no Divisaun Pessoál Hala'o Sensibilizasaun ba militár sira hotu ne'ebé destakadu iha postuTunubibi ho ninia tema Liu husi konsiensia ba asaun promove igualdade Jéneru Haforsa Étika no Responsabilidade nian, Durante loron rua (2).

 

Iha Fatin hanesan Komandante Kompaña 2° Bataliaun Kapitaun Marcelinus Abi hateten" agradese tebes ba ekipa nebe’e maka mai Hala'o Sensibilizasaun ba ami posto Destakadu Tunubibi nian no husu ba ita boot sira nebe’e mak partisipa atividade ida ne'e hahú ohin to aban no husu ba ita Bo'ot sira hotu atu tau atensaun tamba ne'e Programa foun no la komprende bele husu, importante Liu maka lei sira ne'ebé agora dadaun eziste hela iha ita nia instituisaun no ida nebe’e maka Bandu ba ita atu labele hakat liu, no ikus liu husu nafatin ba ita atu nune'e atensaun hela ba materia sira ne'e, husu ba ita La komprende bele husu ba ita nia Komandante sira atu nune'e bele esplika klaru ba ita" Nia hakotu.

 

Atividade ne'e Hala'o bazeia ba planu asaun Nasionál Rezolusaun Konsellu Seguransa Nasoens Unidas 1325 iha pilar prevensaun Komandu nian, Topiku sira nebe’e partilla liga liu ba PAN 1325, Prevensaun Violénsia Bazeia ba Jéneru no assuntu sira nebe’e ligadu liu ba Familia, Carreira, Saúde no esklarese Lei sira iha Atividade Ilegais.

 

No Programa refere realiza bazeia ba matrix Anual Seksaun igualdade Jéneru hodi halo sensibilizasaun ba militár ho materia sira hanesan.

 

1.Planu asaun Nasionál 1325 kona ba feto paz no seguransa e prevensaun Violénsia Baslzeia ba Jéneru husi Seksaun Jéneru F-FDTL.

 

2.Esklarese kona ba hahalok sira nebe’e maka implika ba sira nia karreira fasilita husi parte Justisa e Disiplina.

 

3.HIV SIDA, RAIVA no PTSD (Post Traumatic Stress Discorder) Fasilita husi Diresaun Saude Militár.

 

4.Programa Kareira direitu, deveres no jestaun Finanseira Fasilita husi Divisaun Pessoal .

 

Tuir Atividade refere sei halao iha Kuartel Jeneral, Komponente no Unidades sira hotu, Inklui Posto Destakadu sira hotu iha teritório Nasionál.

 

Média F-FDTL

Nhoy Borges