Kuartel Jenerál Fatuhada,06 Outubru 2025

Komandu FALINTIL-Forsa Defeza Timor-Leste (F-FDTL) hamutuk ho funsionariu husi Ministériu Defeza (MD) hasa’e Bandeira Nasionál inisiu fulan outobru nian iha resintu Kuartel Jenerál F-FDTL no Ministériu Defeza Fatuhada Dili.

Hafoin serimónia hasa’e bandeira Nasionál iha intervensaun Xefe Estadu Maior Jenerál F-FDTL Tenente Jenerál Domingos Raúl “Falur Rate Laek” hanesan inspetur serimónia hateten mesmu iha fulan sira liu bá ita hasoru difikuldades barak maibé ho vontade sira no esforsu tomak hodi ultrapasa ona aktividades lobuk ida, husu nafatin bá membru F-FDTL inklui mós Funsionariu husi MD prepera a’an didi’ak hodi hein nafatin misaun sira ne’ebé sei tuir mai.

“ Ohin ita tama ona bá inisiu fulan outobru nian ita liu ona desafiu, difikuldades lubuk ida ho ita nia vontade tomak ita termina ona aktividades balun, ita prepara a’an nafatin hodi kontinua misaun sira iha últimu trismetre ne’ebé eventus lobuk ida sei mai, nune’e ita prepara a’an nafatin henesan ema profisional servisu bá bem estar komunidade paz no estabilidade ita prepara a’an nafatin ita bele hala’o servisu sira ho di’ak” hateten CEMGFA Tenente Jenerál Falur Rate La’ek iha resintu Kuartel Jenerál.

Partisipa iha serimónia ne’e Xefe Estadu Maior Jenerál Forsas Armadas Tenente Jenerál Domingos Raúl “ Falur Rate Laek”, Ofisiais Superiores husi Kuartel Jenerál, ofisiais Kapitães, Sargentos no Prasas husi Kuartel Jenerál, Asesores, inklui Funsionariu husi Ministério Defeza.

Média F-FDTL

Izidor Lopes

Bonifácio Mendonça

Indonésia, 20 Outubru 2025

FALINTIL-Forsa Defeza Timor-Leste (F-FDTL) ne'ebé xefia husi Tenente Koronel Valério Valente Partisipa iha Ezersísiu BHAKTI KANYINI AUSINDO 25 iha Indonésia.

Ex BKA25 hanesan ezersísiu formasaun ida-ne'ebé lidera husi Defeza, Governu-Australianu tomak, hamutuk ho Asistensia Umanitariu no Asistensia Dezastre (HADR) hamutuk ho ajénsia jestaun emerjénsia Indonésia (TNI) no ajénsia jestaun emerjénsia sivíl (BNPB no BASARNAS).

Ajensia Austrália sira seluk hanesan Sentru Militár Sivil Austrália (ACMC), Departamentu Negosius Estranjeirus no Komersiu (DFAT) no Ekipa Resposta bá Asisténsia Dezastre Austrália (DART) sei partisipa iha Ex BKA25.

Forsa parseiru sira seluk hanesan Forsa Defeza Timor-Leste (F-FDTL) no Korpu Marinu EUA (MRF-SEA) mós hein katak sei atende hanesan partisipante ka observador sira.

Programa ezersísiu ida-ne'e detalladu liu sei fahe ba partisipante sira iha loron dezenvolvimentu.

Objetivu husi Ezersísiu ida ne'e maka

1. DEZENVOLVIMENTU kona-bá operasaun iha Indonésia no iha rejiaun Indo-Pasifiku tomak iha instalasaun HADR no iha preparasaun ba resposta ba krize;

2. DEZENVOLVIMENTU Interoperabilidade entre ADF, TNI, no ajénsia resposta emerjénsia Australia no Indonezia relasiona ho HADR, kapasidade komandu, kontrolu no koordenasaun;

3. TROKA abilidade, matéria espesializasaun no harii relasaun entre ADF no forsa TNI;

4. ASSIST Indonesia atu dezenvolve Prosedimentu Operasaun Padraun relasiona ho resposta hamutuk, HADR;

5. ENHANCE ADF nia reputasaun nu'udar organizasaun militár profisionál ba Indonezia no parseiru konvidadu sira seluk; no

6. Apoiu edukasaun bá tsunami no ameasa dezastre naturál sira seluk iha komunidade lokál sira iha provínsia Banten súl.

Media F-FDTL

Dircia Gama

Batam, 09-13 Dezembru 2025

FALINTIL Forsa Defesa Timor-Leste (F-FDTL) Partisipa iha Ezersísiu Marítimu ASEAN no Estadus Unidus Amerika nian (USMX) iha Batam Indonésia.

Komandu FALINTIL -Forsa Defeza Timor-Leste (F-FDTL) Reprezenta husi Adido Defesa Timor Leste bá Indonésia Koronel Renilde Guterres Corte-Real e Silva ne'ebé akompanha husi Tenente Koronel (Grad) José Pinto no Sub Tenente Francisco da Silva Gaspar husi Komponente Naval F-FDTL. Ezersísiu Militár AUMX 2025 ne'e Realija iha Província Batam, Indonésia no Timor Leste hola parte iha Ezersísiu ne'e nu'udar Estado Membru ASEAN bá dala XI.

Ezersísiu ne’e ho objetivu atu hametin kooperasaun marítima, komfiansa no interoperabilidade iha rejiaun, no mós troka informasaun no resposta lalais bá insidente sira iha Tasi.

Asosiasaun Nasaun Sudeste Aziátiku, ka ASEAN, kompostu husi Indonésia, Malázia, Vietname, Filipina, Singapura, Tailándia, Brunei Darussalam, Laos, Myanmar, Kamboja, Timor-Leste, no Estadus Unidus (EUA), hatudu ninia kompromisu koletivu hodi rezolve dezafiu seguransa marítima ne’ebé kompleksu bá beibeik.

AUMX mós sai hanesan plataforma estratéjiku ida hodi Eleva interoperabilidade no hametin komfiaca entre nasaun sira iha rejiaun ne'ebé reflete vizaun ida kona-bá importánsia husi marítima ida ne'ebé seguru, estável no prósperu.

Aleinde ró funu nian, Kamboja, Laos, Tailándia, no Timor-Leste mós partisipa hodi haruka Augmented Staff bá ezersísiu marítima ne’e.

Ezersísiu ida-ne'e dezeña atu promove fahe informasaun multilaterál iha tempu-reál no resposta bá insidente sira iha domíniu marítimu, tuir lei internasionál ne'ebé aplikavel, inklui prinsípiu liberdade navegasaun nian.

Media F-FDTL

Tenente Koronel Grad José Pinto