Notisia

F-FDTL Ho Ministériu Defeza Hasa’e Bandeira Nasionál Inísiu Fulan Dezembru

Media F-FDTL QG Notisia 09 dezembro 2025 Comments () 0 minutes read

Kuartel Jenerál Fatuhada 01 Dezembru 2025

Komandu FALINTIL-Forsa Defeza Timor-Leste (F-FDTL) hamutuk ho funsionáriu husi Ministériu Defeza (MD) hasa’e Bandeira Nasionál inísiu fulan Dezembru nian iha resintu Kuartel Jenerál F-FDTL no Ministériu Defeza Fatuhada Dili.

Hafoin serimónia hasa’e bandeira Nasionál iha intervensaun Xefe Estadu Maior Jenerál F-FDTL Tenente Jenerál Domingos Raúl “Falur Rate Laek” hanesan inspetur serimónia hateten ita iha parada primeira semana ba fulan ida ne’e hanesan fim do ano, foin maka ita liu tia serimónia bo’ot proklamasaun Independénsia ba tinan-50 kuaze ita rezista iha Timor-Leste entidades no komponente tomak halo.

Ita ministériu Defeza (MD) no F-FDTL nia partisiapasaun laos oituan maibé makas iha atividade hotu-hotu Cimic, kultural, apoiu lozistika, operasaun no parada militár. Ita hotu kontribui, klaru que prosesu kompleksu boot ida, todan boot ida, dala barak ita regista difikuldade barak ita iha mais ita konsege halo tia portantu ita boot sira no parabéns ba imi hotu". Hateten XEMJ F-FDTL

Partisipa iha serimónia ne’e Xefe Estadu Maior Jenerál Forsas Armadas Tenente Jenerál Domingos Raúl “Falur Rate Laek”, Xefe Estadu Maior F-FDTL José da Costa Soares “TRIX” Ofisiais Superiores husi Kuartel Jenerál, ofisiais Kapitães, Sargentos no Prasas husi Kuartel Jenerál, Asesores, inklui Funsionariu husi Ministério Defeza.

Ekipa Média F-FDTL

J’Silva

F-FDTL Ho Ministeriu Defeza Hasa’e Bandeira Nasional Inisiu Fulan Outobru

Media F-FDTL QG Notisia 06 outubro 2025 Comments () 0 minutes read

Kuartel Jenerál Fatuhada,06 Outubru 2025

Komandu FALINTIL-Forsa Defeza Timor-Leste (F-FDTL) hamutuk ho funsionariu husi Ministériu Defeza (MD) hasa’e Bandeira Nasionál inisiu fulan outobru nian iha resintu Kuartel Jenerál F-FDTL no Ministériu Defeza Fatuhada Dili.

Hafoin serimónia hasa’e bandeira Nasionál iha intervensaun Xefe Estadu Maior Jenerál F-FDTL Tenente Jenerál Domingos Raúl “Falur Rate Laek” hanesan inspetur serimónia hateten mesmu iha fulan sira liu bá ita hasoru difikuldades barak maibé ho vontade sira no esforsu tomak hodi ultrapasa ona aktividades lobuk ida, husu nafatin bá membru F-FDTL inklui mós Funsionariu husi MD prepera a’an didi’ak hodi hein nafatin misaun sira ne’ebé sei tuir mai.

“ Ohin ita tama ona bá inisiu fulan outobru nian ita liu ona desafiu, difikuldades lubuk ida ho ita nia vontade tomak ita termina ona aktividades balun, ita prepara a’an nafatin hodi kontinua misaun sira iha últimu trismetre ne’ebé eventus lobuk ida sei mai, nune’e ita prepara a’an nafatin henesan ema profisional servisu bá bem estar komunidade paz no estabilidade ita prepara a’an nafatin ita bele hala’o servisu sira ho di’ak” hateten CEMGFA Tenente Jenerál Falur Rate La’ek iha resintu Kuartel Jenerál.

Partisipa iha serimónia ne’e Xefe Estadu Maior Jenerál Forsas Armadas Tenente Jenerál Domingos Raúl “ Falur Rate Laek”, Ofisiais Superiores husi Kuartel Jenerál, ofisiais Kapitães, Sargentos no Prasas husi Kuartel Jenerál, Asesores, inklui Funsionariu husi Ministério Defeza.

Média F-FDTL

Izidor Lopes

Bonifácio Mendonça

F-FDTL Husi Kuartel Jenerál Ohin Realija Marsa Forsada

Media F-FDTL QG Notisia 28 abril 2026 Comments () 0 minutes read

Dili, 24 Abril 2026

Membru FALINTIL-Forsa Defeza Timor-Leste (F-FDTL) husi Kuartel Jenerál, hamutuk ho asesor Austráliano sira, ohin realiza ezersísiu Marsa Forsada husi ponte Kasnafar to’o iha bee Tudak Fatisi.

Objetivu husi atividade ida ne’e maka tuir planu matrís anual Komandu F-FDTL, ne’ebé kada tinan sempre implementa atu bele hasa’e liu tan kapasidade fiziku membru sira nian, hodi kumpri misaun ho di’ak.

Xefe ekipa, Tenente Koronel Graduadu Helio da Costa, iha intervista hateten katak ezersísiu ida ne’e realiza regularmente kada tinan. Nia esplika katak atividade ne’e tuir matrís ne’ebé aprova ona husi komandu, ne’ebé normalmente Marsa Forsada realiza dala rua iha tinan ida. Hanesan mós, prova aptidaun fiziku mós realiza dala rua kada tinan.

Nia hatutan katak membru sira ne’ebé partisipa iha ezersísiu ohin mai husi Kuartel Jenerál de’it, maibé kada Komponente no Unidade sira iha F-FDTL mós normalmente realiza atividade hanesan. Bá loron ohin nian, programa ne’e espesifikamente organiza bá Kuartel Jenerál hodi prepara no fortifika fiziku Militár sira.

Media F-FDTL

Ekipa Media F-FDTL

F-FDTL no PNTL Lansa Operasaun konjunta Ouro Forsa Tarefa Hodi Garante Seguransa Iha Territóriu Nasionál

Media F-FDTL QG Notisia 30 outubro 2025 Comments () 0 minutes read

Dili, 30 Novembru 2025

FALINTIL-Forsa Defeza Timor-Leste no Polísia Nasionál Timor-Leste, Lansa Operasaun konjunta hanaran (Ouro Força Tarefa) Hodi Garante Seguransa iha Territóriu Nasionál Timor-Leste, atividade refere hala'o ho parada jerál iha Kuartel Unidade Espesial Polísia (UEP) iha Fatumeta-Dili.

Iha Diskursu Xefe Estadu Maior Jenerál F-FDTL, Tenente Jenerál Falur Rate Laek, hatete, ohin ita halibur iha momentu istóriku ida ne'e, ultrapasa serimónia formatura simples ne'e momentu ohin, reprezenta sinteze institusionál ita-nia nasaun joven, ne'ebé inkorpora iha Forsa Tarefa Konjunta ne'ebé dezeña atu garante dame no hakmatek durante periódu krítiku sira iha ita-nia vida Nasionál.

"Diretiva politika ne'ebé Konsellu Ministru aprova la'os de'it dokumentu administrativu, maibé marka estratéjiku ida ne'ebé reafirma ita-nia maturidade institusional".

Nia hatutan tán, iha kontestu ida-ne'e, ita hetan tán responsabilidade adisional ida, liuliu hafoin adezaun istórika Timor-Leste nian ba ASEAN iha loron 26 fulan-Outubru tinan ne’e iha Kuala Lumpur. Ita-nia trajetória nu'udar nasaun ida hatudu ho klaru katak susesu iha pilar fundamental tolu, respeitu, adezaun rigorozu ba kadeias komandu, no kapasidade atu servisu hamutuk. Prinsípiu sira ne'ebé forma dezde tempu eróiku sira luta libertasaun nian, kontinua sai ita-nia matadalan ba institusional.

"Forsa Tarefa Konjunta entre F-FDTL no PNTL la'os de'it reprezenta estratéjia operasionál ida, maibé simboliza unidade Nasionál. Ita-nia misaun ba periodu kritiku sira ne'ebé sei mai dia 28 Novembru, Loron Finadu nian, Natal, no Loron Tinan Foun nian - sei ezije husi ita ida-idak tau sentidu aas liu kona-bá responsabilidade institusional no kompromísu ba dame".

Nia informa, Agora ita hetan observasaun Ia'os de'it internalmente, maibé husi komunidade rejionál ida ne'ebé hein ita nia maturidade, profisionalizmu, no abilidade jestaun institusional husi ita.

"Ha'u hakarak subliña, respeitu ba malu, halo kolaborasaun inter-institusional mak setór sira ne'ebé sei lori ita ba susesu. Ne'e la'os formalidade de'it, maibé dever sagradu ba ita-nia ezisténsia nu'udar instituisaun Estadu nian".

Paz la'os kondisaun ida, maibé prosesu konstrusaun ne'ebé kontinua. No ita sira hotu maka ninia arkitetu prinsipál. Ba Rai Doben Timor-Leste ba Dame no ba Estabilidade! Hakotu CEMGFA.

Iha fatin hanesan intervista Komandante Jerál PNTL hatete, Ohin ita realiza formatura jerál entre F-FDTL ho PNTL iha UEP, hodi hala'o servisu iha terrenu, tuir lolos formatura ne’e ita hala'o ona iha semana hirak ba kotuk mais tamba ami tuir atividade iha rai liur entaun ohin maka foin bele realiza.

"Atividade balun ne’ebé maka forsa rua implementa ona bazeia ba rezolusaun governu ne’ebé maka fó sai ona iha fulan rua ba kotuk, Depois de ida ne’e ita nia forsa rua sei halo movimentu hodi hatudu ba ita nia komunidade sira katak sira pronto para atu servisu tanto iha preventive nomos represiva ba situasaun saida de'it maka akontese".

Nia Subliña tán, importante maka servisu hamutuk, ohin sua Exelénsia Xefe estadu Maior Jenerál F-FDTL fó ona mensazen katak servisu hamutuk mak importante atu ne’e bele lori susesu ba iha operasaun ida ne’e.

Bazeia ba Planu operasaun sai ona tantu ba iha F-FDTL no PNTL komandante sira simu hotu ona sira sei asegura tanto hahú husi dia 01 Novembru no dia 02 Novembru loron mate bian ninian ita nia membru sira sei asegura ida ne’e. Remata

Média F-FDTL

J’Silva

F-FDTL Partisipa Iha ASEAN Peacekeeping Centres Network Meeting Bá Dala-10

Media F-FDTL QG Notisia 07 maio 2026 Comments () 0 minutes read

Kuartel Jenerál, 06 Maio 2026

Membru FALINTIL-Forsa Defeza Timor-Leste (F-FDTL) Partisipa iha reuniaun ASEAN PEACEKEEPING CENTRES NETWORK MEETING bá dala-10, ne'ebé mak Partisipa husi Nasaun Membru ASEAN sira Liu husi video telekonferensia, ne'ebé maka hala'o iha Salaun Kuartel Jenerál F-FDTL, Fatuhada Dili.

Objetivu husi reuniaun ne'e maka fahe esperiénsia kona-bá dezafius no oportunidade sira nomós pratila informasaun diak sira, oinsá atu melhora no hasa'e partisipasaun iha misaun Apoiu Paz nian.

Entretantu membru F-FDTL kompostu husi Major David Leopoldo dos Santos, Kapitaun Marquita da Cunha no Alferes Alessandro Soares.

Media F-FDTL

Izidor Lopes

NOTISIA

F-FDTL Ho Ministériu Defeza Hasa’e Bandeira Nasionál Inísiu Fulan Dezembru

F-FDTL Ho Ministeriu Defeza Hasa’e Bandeira Nasional Inisiu Fulan Outobru

F-FDTL Husi Kuartel Jenerál Ohin Realija Marsa Forsada

F-FDTL no PNTL Lansa Operasaun konjunta Ouro Forsa Tarefa Hodi Garante Seguransa Iha Territóriu Nasionál

F-FDTL Partisipa Iha ASEAN Peacekeeping Centres Network Meeting Bá Dala-10

Semak Ami

Saida Mak Ami Halo

Kontaktu Ami