Metinaru Kinta-Feira 06 marsu 2025

Komando FALINTIL Forsa Defeza Timor-Leste (F-FDTL) realiza serimónia retiru hamutuk ho Veteranu Reformadu no Rezerva sira, hodi koalia kona-bá situasaun aktualidade nomós problema sira ne’ebé Veteranus sira hasoru, tuir horário retiru ne’e halao durante loron rua kinta-feira no sexta-feira (6-7) semana ne’e.

"Ohin ita iha aktividade ne’ebé importante, ne’ebé maka organizadu husi Komando F-FDTL nian kona-bá retiru ida hamutuk ho Veteranus para atu koalia ituan situasaun aktualidade, no koalia ituan kona-bá problema ne’ebé akontese,"dehan Ministru Defeza (MD), Contra-Almirante CMD. Donaciano da Costa Gomes PhD "Pedro Klamar Fuik" ba jornalista sira, iha Sentru Instrusaun Komandante, Nicolau Lobato (CICNL), Metinaro, Kinta-Feira (6/03/2025).

Nia dehan, iha serimónia retiru ne’e mós iha oradór nain tolu maka Ministru Defeza (MD), Contra-Almirante CMD Donaciano da Costa Gomes "Pedro Klamar Fuik" Jenerál Reformadu Taur Matan Ruak, nomós Tenente Jenerál Reformadu  Lere Anan Timor.

"Hau koalia kona-bá oinsa maka pioneirus da Libertacao Timor-Leste ho ne’ebé ita bolu Veteranus, oinsa maka sira nia kontribuisaun ba prosesu Libertasaun Nasionál, depois Jenerál Reformadu Taur Mata Ruak koalia  kona-bá oinsa maka kria Unidade iha ita nia komunidade do Veteranus, hanesan mós ita nia sosiedade Jerál,"nia tenik.

Iha Serimónia retiru ne’e mós Ministru Defeza ne’e koalia  kona-bá peneirus Libertasaun Nasionál, koalia Veteranus hanesan sirkul de vida ida, wainhira atu to’o iha Veteranu liu husi periodu vida ida hanesan joven, nia fó nia tempu tomak  iha nia vida ba institusaun ida ou ba organizasaun ida, sira nia sakrifísiu fó servisu hotu-hotu para bele defende objetivu ida no defende hakarak komun.

Iha fatin hanesan, Xefe Estadu Maior Jenerál FALINTIL-Forsa Defeza Timor Leste (F-FDTL), Tenente Jenerál Domingos Raúl "Falur Rate Laek" hatete, objetivu aktividade ne’e inkontru fali ho Veteranu sira, Veteranus sira ne’ebé uluk terus hamutuk no Luta hamutuk, atu konta fali istória sira ne’e hanesan moral ida ba Veteranus sira.

"Veteranu des mobilizadu mós iha ne’e hotu, sira reformadu sira mós iha ne’e hotu, nomós ativu mós iha ne’e hotu, ita haree sira ne’ebé uluk iha ailaran sira ne’e mós iha ne’e hotu, hanesan Lospalos, Baucau, Liquisa, Aileu, Manatuto, nomós Munisípiu sira seluk,"nia deklara.

Nune’e mós, Eis Militár Major Agusto Tara Araújo agradese ba Ministériu Defeza (MD) hamutuk ho Komando F-FDTL iha inisiativa diak hodi bolu Veteranu sira mai para hodi konsulta Veteranus sira nia hanoin ba oin nian.

Média F-FDTL

Ainaro, Hatu-udu 20 Outobru 2025

FALINTIL-Forsa Defeza Timor-Leste (F-FDTL), liu Komandu Ezersísiu Cobra 2025 ne'ebé dadaun ne'e hala'o hela ezersisiu iha terrenu realiza jogu amizade futeból 11 iha Hatu-Udu hodi kria lazu amizade ho komunidade sira.

Objetivu husi jogu amizade ne'e hanesan lasu amizade ida entre militár no komunidade sira oinsá atu kria paz iha sosiedade nia let.

Rezultadu husi jogu amizade ne'e impata ho skore 3-3. Antes jogu Komandu Ezersísiu Cobra mós entrega ekipamentu jogu nian hanesan fardas no bola ba ekipa adversariu sira.

Média F-FDTL

Domingos Sarmento

Ainaro Mau-Chiga, 20 Outubru 2025

Relasiona ho Ezersísiu Cobra-25 ne'ebé realiza iha Munisípiu Ainaro, Postu Hatu-Udo, Suku Foho-Ailiku ho nune'e F-FDTL Liu husi Komandu tátiku Ezersísiu Kobra-25 halo Aktividade Civil Military Cooperation (CIMIC-sigla inglesh) Apoiu Material Didatikus ba Joventude Suku Mau-Chiga no Estudante sira husi Eskola EBF Mau-Chiga.

Husi Aktividade ne'e henesan parte ida husi Ezersísiu Cobra-25 nian oinsa atu hakbesik an ba komunidade sira iha arèa remotas.

Iha Intervensaun Reprezentante Komandu Ezersísiu Cobra-25 Major Adelino Vilela hateten akitividade rua ne'ebé realiza iha Munisípiu Ainaro hanesan aktividade CIMIC hanesan apoiu material Didatikus sira inklu aktividade tratamentu saude no aktividade F-FDTL nian mak halo treinamentu operasionál sira, tatiku, defensiva no seluk tan.

"Aktividade rua ne'ebé ami halo iha Ainaro mak aktividade CIMIC no Aktividade treinu operasionál iha aktividade rua ida mak apoiu Material didatikus sira ba joventude no Estudante sira inklui mós halo tratamentu saúde ba komunidade sira aktividade Militár nian mak treinamentu operasionál sira hodi kapasita nafatin ami nia membru F-FDTL husi aktividade Civil no Militár nian mak ida halai ba tema ida katak FALINTIL MAK IKAN NO POVU MAK BE'E husi moto ne'e ami nafatin hakbesik ba ami nia povu "Hateten Major Vilela".

Iha fatin hanesan autoridade suku Mau-chiga Abrão de Araújo afirma parte nia agradese prezensa F-FDTL nian iha suku Mau-chiga hodi bele dezamina informasaun sira ba veteranus, joventude, estudantes sira mòs bele lori saude besik ba komunidade sira inklui mós apoiu material didatikus sira ba estudante no joventude suku Mau-chiga.

" Ha'u agradese ba prezensa F-FDTL nian bele to mai iha ami nia Suku Mau-Chiga relasiona konsulta ba ami nia komunidade sira no mós destribuisaun material didatikus sira ba ami nia joventude inklui mós estudante sira iha suku Mau-Chiga tuir necesidade ita nia F-FDTL nian bele tulun hela ita nia joven no mós estudante sira "Hateten Xefi Suku Mau-chiga.

Ekipa Média F-FDTL

Boni Mendonça

Hatu-Udo,16 Outubru 2025

Relasiona ho Ezersísiu Cobra-25 ne'ebé realiza iha Munisípiu Ainaro, Postu Hatu-Udo, Suku Foho Ailiku ho nune'e F-FDTL Liu husi Komandu tátiku Ezersísiu Cobra-25 kontinua halo sosiliazaun iha Eskola ESG.Tastopa Hatu-Udo kona-bá Patriotismu, Nasionalismu inklui mós Saúde Militár.

iha sesaun bá aktividade ne'e akompanha husi Komandu Tátiku Ezersísiu Cobra-25 Major Nugeira Quintas Larangina no hetan partisipasaun Maximu husi estudante inklui mós professores sira.

Hafoin Sesasaun Sosializasaun ne'e Komandu Tátiku Ezersísiu Cobra-25 entrega mós ekipamentus didátika hanesan Kazernu, Lapijeira, pasta, Bola, Farda joja Bola nst.

Iha sesaun ne'e termina Diretór Eskola ESG.Tastopa Hatu-Udo Lucas dos Santos hateten, nia parte sente orgulhu bá prezensa F-FDTL nian no bele partilha ona materia lobuk ida bá estudante sira no apoiu ona ekipamentu didátika sira, maibé Diretór eskola ne'e senti triste tamba la iha kampu joga bola bá estudante sira nune'e Diretór eskola husu bá Instituisaun F-FDTL bele apoiu material didátika sira, no Apoiu halo mós konstrusaun kampu joga bola nian bá eskola ida ne'e.

"Ami agradese bá prezensa F-FDTL sira nian iha ami nia eskola bele partilha ona materia lobuk ida bá ami nia estudante sira nomós bá apoiu material didátika sira, ami mós husu nafatin karik bele F-FDTL sira bele tulun ami hadia kampu futebol ida bá ami se apoiu ona bola ho farda joga maibé kampu bá ami la iha atu estudante sira joga bola" dehan Diretór ESG.Tastopa

Ekipa Média F-FDTL

Bonifácio Mendonça