Kuartel Jenerál Fatuhada, 10 Outobru 2025
Estudante ho naran Lourdes Torrezão Coutinho, tinan 17, husi Eskola Café de Aileu klase 11, assume kargu nu'udar Xefe Estadu Maior Jenerál F-FDTL, durante oras ida nia laran iha Kuartel Jenerál fatuhada Dili.
Lourdes hanesan labarik feto foin sa'e ne'ebé mak inspira no Motiva responsavel iha esperito positivu atu aprende no kontribui bá komunidade sira ne’ebé mak hakarak sai militár iha Nasaun TL.
Durante oras ida nia laran Lourdes senti onradu tebes bele sai hanesan Tenente Jenerál durante oras ida nia laran, ne'e hanesan oportunidade importante atu aprende ho dezenvolve disiplina, lideransa no servisu bá Nasaun.
Asumi kargu nu'udar oras ida Lurdes mós halo Vijita bá Divijaun no Seksaun sira kada edifisiu iha Kuartel Jenerál.
Objetivu husi aktividade ne'e atu komemora loron Mundiál bá Labarik Feto, nu'udar loron neʼebé selebra globalmente hodi fó onra bá labarik feto, bele halo advokasia hodi muda sira nia kondisaun atu hetan oportunidade iha aprende, Lidera, deside no moris buras la ho diskriminasaun, ita nia servisu hamutuk ita hametin konfiansa.
Média F-FDTL
Leoneto de Jesus
Dili, Tersa Feira 13 Maiu 2025
Vise Xefe Estadu Maior Jenerál FALINTIL-Forsa Defeza Timor-Leste, Major Jenerál Calisto Santos “COLIATI” partisipa iha toma de pose ba Prokurador Jeral Republika (PJR), Nelson de Carvalho, iha Palasiu Prezidensial Nicolau Lobato, Bairru Pite Dili.
Média F-FDTL
Kuartel Jenerál F-FDTL, 22 Agostu 2025
Vise Xefe Estadu Maior Jenerál FALINTIL-Forsa Defeza Timor-Leste (F-FDTL) Major Jenerál Calisto Santos Coliati, ohin simu Vijita husi diretór Jerál de Polítika de Defesa Portugal Tenente Jenerál Nuno Lemos Pires ho delegasaun, iha kna'ar fatin Kuartel Jenerál F-FDTL, Fatuhada Dili.
Objetivo husi Vijita ne'e oinsá atu hametin diak liutan Kooperasaun Tekniku Militár entre Forsas Armadas Timor-Leste no Portugal Liuliu iha área Defeza Militár nian iha futuru.
Media F-FDTL
Nhoy Borges
Bebora-Dili 14 Maiu 2025
Vise Xefe Estadu Maior Jenerál FALINTIL-Forsa Defeza Timor-Leste (F-FDTL) Major Jenerál Calisto Santos Coliati partisipa serimónia Aniversáriu Polícia Científica Investigação Criminal (PCIC) ba dala sanulu resin ida (11) ho tema "Fortalecer a Ciência e a Cooperação Criminal para Garantir Justiça e Segurança Em Timor Leste", ne'ebé hala'o iha Salaun Multiusos GMN, Bebora-Díli.
Seremónia ne'e, Prezide direita husi Prezidenti República enkuantu Partisipante iha serimónia refere maka hanesan Vise- Prezidenti PN, Vise Xefe Estadu Maior Jenerál FALINTIL-Forsa Defeza Timor-Leste ho entidades relevante no Korpu diplomátiku.
Média F-FDTL
Dili, 14 Juñu 2025
Xefe Estadu Maior Jerál Forsas Armadas Nova Zelândia Major Jenerál Rose King, hamutuk ho delegasaun iha Sabado fim semana ne'e halo vizita bá Unidade FALINTIL iha Tasi Tolu, Dili.
Iha vizita Xefe Estadu Maior Jerál Forsas Armadas Nova Zelândia Major Jenerál Rose King ho delegasaun ne'e simu direta husi Komandante Komponente Terrestre Koronel Operasaun Espesiais Domingos da Costa Soares "DOBU" ho Komandante Unidade FALINTIL Tenente Koronel Abel da Costa Xavier "NIKI" iha kna'ar fatin.
Objetivu husi vizita ne'e maka oinsá atu hametin di'ak liu tán kooperasaun entre FALINTIL-Forsa Defeza Timor-Leste (F-FDTL) ho Forsas Armadas Nova Zelândia nian, liliu iha area Militár nian ao mesmu tempo atu apoiu mós Unidade FALINTIL iha área treinamentu Militár no ekipamentu Militár nian ne'ebé maka Unidade ne'e persiza.
Iha fatin hanesan Major Jenerál Rose King hateten, Forsas Armadas Nova Zelândia prontu atu apoiu nafatin Komandu FALINTIL-Forsa Defeza Timor-Leste (F-FDTL) iha kualker apoiu saida de'it liiiu kona-bá kapasita rekursu umanu nomós ekipamentu Militár nian ne'ebé maka komandu F-FDTL persiza.
Média F-FDTL
Leoneto de Jesus
Ave. Nicolao Lobato, Fatuhada
Comoro, Dili, Timor-Leste
Tel: +670 78156312
Email: info@fdtl.mil.tl
