Raeoa, 24 Abril 2025

Komandante Komponente Naval Komodoro Higino das Neves “Super-Man “ho delegasaun hasoru malu ho Prezidente Autoridade Raeoa Sr. Rogério T. Lobato.

Prezidente RAEOA Sr. Rogério T. Lobato hatete, rai ne'ebé ami entrega bá Komandu F-FDTL Komponente Naval mak iha Wenunu, tamba ita hatene Komodoro Neves halo kolaborasaun diak tebes ho Raeoa, Ministériu Defesa liu husi komponente Naval, hanesan imi hatene ne'e Enklave ita presija Komponente Naval iha ne'e para atu servisu hamutuk Unidade Polisia Marítima hodi hare bá fronteira kona-bá atividades peskas ilegal nian.

Portantu ita nia relasaun diak ho Kupang Indonésia, Komodoro Neves mós halo relasaun diak ho Komandante forsa Indonésia nian, ne'e inportante oinsá ita bele halo Kooperasaun diak entre Timor-Leste ho Indonésia.

Agora ami fó rai ida bo'ot bá Komponente Naval tamba ita hare bá futuru rai ne'e nian tenke dezemvolve bá oin, ami entrega uluk ona rai iha Pante-Makasar fatin ne'e sei transforma bá Kapitania Porto. Tamba ne'e iha fatin hotu-hotu iha ne'ebé deit sempre iha Kapitania Porto para atu kontrolu roh sira ne'ebé tama no sai iha Tasi Oe-cusse.

Hau koalia ona ho Komodoro Neves karik aseita ho rai ne'e ita sei halo redi hadulas rai ne'ebé autoridade Raeoa oferese bá Komponente Naval.

Nia akresenta liutan katak tuir Sekretaria Terras e Propriedades RAEOA hatete rai ne'ebé sei entrega bá Komponente Naval ho medida 44 hektares, rai ne'e bo'ot portantu ita tenki hare bá futuru labele hare deit agora, dehan Presidente Autoridade Raeoa Sr. Rogério T. Lobato iha nia knar fatin.

Iha fatin hanesan Komandante Komponente Naval Komodoro Higino das Neves ” Super-Man “ haktuir wainhira Prezidente RAEOA ho equipa sira hanoin sei fó fatin bá ita nia forsa Naval, hodi uza bá satan ita nia rai Timor-Leste liu-liu RAEOA, ohin hau mai iha ne'e hasoru malu ho Sua Excelência Prezidente Autoridade RAEOA tamba ho nia laran luak no vontade tomak atu dezemvolve forsas Armadas iha futuru ida ne'e hau hanoin idea ne'ebé Kapas los.

Ita iha kapasidade ona atu asegura ita nia rain, mais antes ita atu iha kapasidade primeiro tenki iha fatin par forsas sira hela, ami ho Sekretaria Terras RAEOA nian bá hare ona rai ne'e depois futuru ita sei akomoda baze Naval ida, par depois bele asegura fatin ida ne'e.

Média F-FDTL Komponente Naval

‎Dili, 27 Maiu 2025.

‎

‎Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek, reprezenta husi Xefe Gabinete, Koronél Marcelino Ximenes "RIZAI", partisipa iha Serimónia aniversáriu Polisia Nasionál Timor-Leste (PNTL), Unidade Polisia Maritima (UPM), nian bá dala XXII, ho nia tema maka "Reforsa Vizibilidade no Aprosimasaun bá Prevensaun Kombate no Atividade ilisitu iha Zona Kosteira nian", ne'ebé mak hala'o iha Kuartel UPM, Rua Largo Licidere, Dili.

‎

‎Média F-FDTL

Guiné Equatorial, 21 Agostu 2025

Reprejentante Xefe Estadu Miaor Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek, ne’ebé reprejenta husi Adido Defeza Timor-Leste Iha Portugal Koronel Tirocinado Mário Baptista Bersama partisipa iha serimónia enseramentu Exersisíu FELINO 2025 iha Nasaun Guiné Equatorial.

Serimónia enseramentu ne’e ensera husi S. E. Secretário de Estado da Defesa da República da Guiné Equatorial halao iha Centro de Convenção Sipopo.

Entretantu delegasaun Timor-Leste kompostu husi, Komandante Unidade FALINTIL Tenente Koronel Abel da Costa Xavier “NIKI”, Tenente Koronel Grad Bernado Correia, Kapitaun Tenente António do Rosário, Major Adelino Vilela no Kapitaun Abilio da Costa.

Media F-FDTL

Adido Defesa Timor-Leste bá Portugal