OESILO RAEOA, 26 Setembru 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek akompanha ho delegasaun halo Vijita bá fatin turistika Área Gás Natural Poto (Tahu Nurak) ne'ebé lokalija iha Aldeia Sabem Suku Bobometo Postu Administrativu Oesilo Rejiaun Administrativa Espesial Oekuse (AMBENO), Alende ne'e Xefe Estadu Maior Jenerál F-FDTL Tenente Jenerál Falur Rate Laek mós vijita komunidade sira hodi komprimenta no hasai fotografia hamutuk iha Suku Bobometo.

Media F-FDTL

2' Sargento Carceres

Singapura, 30 Maiu 2025

Xefe Estadu Maior Jenerál FALINTIL – Forsa Defeza Timor-Leste (F-FDTL), Tenente Jenerál Domingos Raúl “FALUR RATE LAEK” halo enkontru ASEAN Multilateral entre Ministerial, Iha Shangri-La Hotel.

Timor-Leste tenki halo kooperasaun ho nasaun barak iha mundu ne’e, relasaun entre eropa no ASEAN iha mundu ne’ebé maka nakonu ho krize hanesan ita hotu hatene Ukraina ho Rusia, no nia sita mós kona-ba Taiwan, saida maka sei akontese karik wainhira china invade Taiwan.

Tenente Jenerál mós Sita tan katak Filipina nia rai balun iha tasi china sul ne'e china hadau, importante liu maka ne’e ita sei oho rasik ita nia kredibilidade iha mundu internasionál wainhira ita abandona konflitu sira ne’ebé maka akontese iha mundu ne’e, ezemplu konflitu iha gaja sekuandu ita la tau matan ita abandona tia deit konflitu ida ne’e maka ita sei lakon ita nia kredibilidade.

Nia mós kolia kona-bá mundu ne’ebé fahe ba divizaun ou iha nasaun super power rua ne’e maka hanesan Amerika ho China iha parte ekonomi, prezidenti Fransa mós kolia kona-bá oinsa atu prezerva Pás no Estabilidade wainhira china no estadus unidus amerika konpete ba malu atu sai sé maka atu domina iha mundu ida ne’e. Fransa hakarak koopera ho nasaun seluk, Jeralmente nia kolia kona-bá oinsa atu mantein estabilidade iha eropa no mós iha indo-pasifik.

Média F-FDTL

Aze Silva

Singapura, 30 Maiu 2025

Xefe Estadu Maior Jenerál FALINTIL – Forsa Defeza Timor-Leste (F-FDTL), Tenente Jenerál Domingos Raúl “FALUR RATE LAEK” akompanha Prezidente Repúblika Dr.José Ramos Horta, halo enkontru Bilateral ho Ministru Defeza Singapura nian Sr. Lawrence Wong Shyun Tsai. Iha hotel Shangri-La.

Iha enkontru ne’e Prezidednte Repúblika José Ramos Horta hateten, Timor-Leste tenki estuda barak husi Nasaun Singapura nia dezenvolvimentu, iha Timor-Leste ema naok osan iha banku laiha barak liu maka ema naok motor, no kantor Polísia Timor-Leste nakonu ho Motor sira ne’ebé prende, no iha Timor-Leste laiha krime Droga maibé Nasaun balun koko atu uja Nasaun Timor-Leste hodi transfer droga bá Nasaun seluk Jeralmente ami mantein pás no dame iha Timor-Leste.

Hau nu’udar Prezidente Timor-Leste hakarak fó mensajen bá hau nia populasaun maka atu mantein kria pás no estabilidade iha Timor-Leste, no espera katak iha tempu badak sei hetan akordu ho Nasaun Austrália kona-bá mina no gas ou kadoras nian tamba kadoras ne’e importante tebes bá Ami nia Nasaun Timor-Leste tamba bele hamenus dezempregu iha ami nia Nasaun.

Partisipa iha enkotru ne’e mak hanesan Tenente Jenerál Falur Rate Laek, Embaixadór Timor-Leste iha Singapura Sr. Alex Tilman, Komisáriu Jerál PNTL Sr. Henrique da Costa, Ajudante Kampo kapitaun Guido Jerónimo Guterres no Adjunto Sekretaria Embaixadór Timor-Leste iha Singapura Sr. Ferlio.

Média F-FDTL

José Silva