Dili, 23 Abril 2026

Xefe Estadu Maior Jenerál F-FDTL Tenente Jenerál Falur Rate Laek reprejenta husi Xefe Gabinete Xefe Estadu Maior Jenerál F-FDTL Koronel Marcelino Ximenes "Rizai" partisipa iha serimónia Aniversáriu Bombeiros bá dala-26 iha edifisiu Autoriade Proteção Civil (APC) Caicoli, Dili ho tema "Ohin ita selebra eroi sira ne'ebé hasoru ahi hodi salva vida no proteje komunidade sira".

Objetivu husi Komemorasaun ne'e Hodi marka simbolikamente tinan 26 servisu Bombeirus Timor-Leste nian, hodi selebra hamutuk no destaka sira nia importánsia institusionál no sira nia kontribuisaun kontínua ba protesaun populasaun nian.

Bombeiros Timor-Leste hari'i iha loron 9 fulan-Novembru tinan 1999, no formalmente konstitui nu’udar korporasaun iha loron 23 fulan-abríl tinan 2000 Kriasaun ne’e hala’o ho apoiu husi Komisaun Apoiu bá Tranzisaun iha Timor-Leste (CATT).

Nune'e Misaun ne'ebé Bombeiros iha maka Atu garantia protesaun no seguransa bá populasaun hasoru risku sira ne’ebé ameasa vida, propriedade, no ambiente, liu-liu hodi responde ba inséndiu, asidente rodoviáriu, no emerjénsia sira seluk.

Vizaun Bombeiros nian maka Atu promove rekursu umanu sira ne'ebé kualifikadu, espesializadu, no formadu beibeik, ho koñesimentu tékniku no meius adekuadu sira ba dezempeñu efisiente sira nia kna'ar nian.

Papel no Servisu sira ne'ebé Fornese hosi Departamentu Bombeiru maka Kombate ahi,Resposta ba emerjénsia, Salvamentu iha bee (iha mota, tasi, ka posu), Komunidade nia apoiu iha situasaun risku ka kalamidade.

Ekipa Média F-FDTL

Boni Mendonça

UNTL, 08 Maiu 2026

Reprejentante Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek, ne'ebé reprejenta husi Xefe Gabinete Koronel Marcelino Ximenes "RIZAI" Partisipa Iha serimónia simu membru Foun grupo Estudante Hadomi Natureza (ESHANA-UNTL) tinan 2026, atividade ne'e hala'o iha Salaun UNTL, Kaikoli, Dili.

Loron importante serimónia ofisiál atu simu membru foun bá tinan 2026 ho tema “Mehi Ida, Objetivu Ida: Hamutuk Salva Ita-nia Natureza”. Atividade ne’e realiza ho partisipasaun husi reprezentante Universidade Nasionál Timor Lorosa’e, estrutura organizasaun, konvidadu sira no kandidatu membru foun.

Iha diskursu Xefe Estadu Maior Jenerál F-FDTL Tenente Jenerál Falur Rate Laek nian ne'ebé le husi Xefe Gabinete Koronel Marcelino Ximenes "RIZAI" hatete katak, organizasaun ESHANA-UNTL ne’e la’ós de’it atividade formal, maibé mós momentu importante atu hametin kompromisu foin-sa’e sira hodi sai lian bá natureza no proteje ambiente iha Timor-Leste.Tema ne’ebé lori iha programa ne’e reflete esperansa no unidade entre juventude sira atu hamutuk halo mudansa pozitivu bá natureza no komunidade.

Hatutan tan katak Timor-Leste presiza jerasaun foun ne’ebé prontu atu servisu no foti asaun konkretu atu proteje biodiversidade, kuida maromak nia natureza no hamenus problema lixu no degradassaun ambiental. Nia mós enfatiza katak, tasi no ai-laran mak riku-soin Nasionál ne’ebé tenke preserva bá jerasaun tuir mai.

Mensagem espesial mós fó bá kandidatu membru foun sira atu komprende katak natureza importante tebes bá moris ema nian.

“Natureza la presiza ema atu nia moris, maibé ita ema mak presiza natureza atu moris,” hanesan liafuan motivasaun ne’ebé hato’o iha serimónia ne’e.

Programa ne’e remata ho deklarasaun ofisiál abertura Rekrutamentu Membru Foun ESHANA-UNTL 2026 ho espírito ekolójiku no unidade. Organizasaun konvida juventude hotu atu kontinua kontribui hodi “hamutuk salva ita-nia natureza” bá futuru Timor-Leste ne’ebé matak no sustentável.

Media F-FDTL

Manufahi Alas,11 Setembru 2025

Xefe Estadu Maior Jenerál Forsa Armada Tenente Jenerál Domingos Raùl "Faur Rate Laek" Reprejenta husi Xefe Gabinete Xefe Estadu Maior Jenerál Koronel Marcelino Ximenes "Rizai" partisipa iha Serimónia Inagurasaun Estatua Saudozu Veteranu Augosto Fernandes"Sofre" iha Postu Admiminstrativu Alas, Munisípiu Manufahi.

iha Intervensaun Xefe Estadu Maior Jenerál Liu husi Xefe Gabinete hatete, momentu ohin la'os deit serimónia bá inagura estatua maibé atu halo mós rekonesimentu públiku bá moris ne'ebé dedika liberdade, dignidade no integridade Nasaun nian.

"Ho respeitu no gratidaun ne’ebé kle’an, ita halibur ohin bá inagurasaun Estatua Veteranu Augusto Fernandes, ne’ebé koñesidu ho naran “Sofre”. Okaziaun ohin nian la’ós de’it serimónia atu harii estátua iha fatin públiku, ida-ne'e atu komemora rekoñesimentu públiku bá moris ida ne'ebé dedika bá liberdade, dignidade, no integridade ita-nia nasaun nian".

"Ha’u-nia kompatriota Augusto Fernandes moris iha jerasaun ida ne’ebé kompriende katak liberdade la’ós hetan eransa, maibé hetan liu-husi sakrifísiu, korajen, no kompromisu koletivu, Iha nia moris tomak, nia hatudu ho ezemplu katak atu defende rai-doben la'ós de'it presiza aten-barani iha kampu funu nian, maibé mós reziliénsia, dixiplina, no lealdade ba valór sira ne'ebé maka subjasente ba ita-nia identidade nasionál".

"Ohin, ita hanoin nia kontribuisaun ba libertasaun nasionál,Nia la'o hamutuk ho ema barak ne'ebé, liuhosi sakrifísiu, hetan direitu ba autodeterminasaun,sai posivel ba ita-nia povu, hasoru perigu oin-oin, no mantein esperansa maski iha momentu nakukun laran,Ninia servisu, tantu liu husi organizasaun, mobilizasaun sívika, apoiu komunidade, ka kooperasaun entre forsa populár sira kontribui ba ita-nia liberdade".

"Fatin ida-ne'e mós nu'udar espresaun ida bá ita hotu-nia agradesimentu bá família sira ne'ebé apoia, ho pasiénsia no sakrifisiu, luta bá liberdade,Ita hotu hein katak espasu ida-ne'e sai pontu enkontru entre pasadu no futuru, fatin ne'ebé foin-sa'e sira bele rona istória rezisténsia nian, komprende liberdade nia folin, no realiza katak dame mak rezultadu husi opsaun sira ne'ebé ita hili ho responsavel, kooperasaun entre instituisaun sira, no firmeza husi valór sira ne'ebé halibur ita nu'udar povu".

"Ikus liu Obrigadu bá inisiativa husi família. Hau rekomenda atu autoridade Munisípiu no postu administrativu tau matan no dignifika fatin ida ne'e hanesan património Postu Administrativu Alas nian"Remata.

Partisipa iha Serimónia ne'e Xefe Gabinete CEMGFA, Autoridade Munisípiu Manufahi, PNTL Manufahi, APA Alas, Entidades husi Munisípiu Manufahi, Komunidades Alas, xefe suku sira inklui ho Família Saudozu Refere.

Media F-FDTL

Bonifácio Mendonça

Metinaro, 7 Maiu 2026

Kinta-Feira ne'e Xefe Gabinete Vice Xefe Estadu Maior Jeneràl F-FDTL Koronel Guido de Oliveira, hamutuk Defance Coperation Program (DCP) husi Austrália halo observasaun kona-bá progresu rehabilitasaun klinika Saúde Militár nian iha metinaru.

Hafoin observa Xefe Gabinete V-CEMGFA halo enkontru ho CDP Austrália hanesan enkontru bá dala 11 iha ne'ebé enkontru ne'e foka liu bá progresu servisu sira ne'ebe duarante F-FDTL ho DCP halo koperasaun ne'ebe diak hodi hare besik no avalia prosedimentu servisu sira ne’ebé durante ne'e lao hela.

Portantu iha enkontru bá dala 12, tuir mai parte rua sei hare fila-fali progresu obra nian atu asegura katak planu no eskedul servisu lao tuir diak.

Durante iha enkontru no observasaun iha terenu nota katak hetan ona progresu diak tebes ho nune'e ekipa rua ne'e mos diskute planu entrega ofisial no serimónia inaugurasaun klinika Militár ne'ebé tuir planu sei termina iha fulan ne'e.

Media: F-FDTL

Izidor Lopes