Vise Xefe Estadu Maior Jenerál F-FDTL Ohin Simu Vijita Kortezia Husi Adido Defesa Brazil

Kuartel Jenerál, 04 Marsu 2026

Vise Xefe Estadu Maior Jenerál FALINTIL-Forsa Defeza Timor-Leste (F-FDTL) Major Jenerál Calisto Santos 'Coliati' ohin simu vizita kortezia husi Adido Defesa Naval do Exército no Aeronáutika, bá Indonésia Vietnam inklui Timor-Leste Koronel Vitor Hugo BERGAMASCH, Husi Nasaun Brazil, iha kna'ar fatin Kuartel Jenerál F-FDTL, Fatuhada, Dili.

Objetivu husi Vizita kortezia ne'e hanesan parte ida atu hametin diak liutan servisu Kooperasaun Teknika Militár entre Forsas Armadas Timor-Leste no Forsas Armadas Brazileiru nian iha futuru.

Fó hanoin deit katak Kooperasaun entre F-FDTL ho Forsas Armadas Brazil nian hahu kedas iha inisiu hari Unidade Polisia Militár (PM) hodi fó treinamentu bá kadetes Foun Unidade Polisia Militár (PM).

Tuir planu durante iha Timor-Leste Adido Defesa Brazil Koronel Vitor Hugo BERGAMASCH mós sei halo vijita Kortezia bá Komponente Terrestre, Komponente Naval, Komponente Aéreo nomós Unidade Polisia Militár (PM).

Media F-FDTL

Izidor Lopes