NOTISIA

Xefe Estadu Maior Jenerál F-FDTL Vizita Unidade CICNL

Media F-FDTL QG Notisia 22 de julho de 2026 Hare na'in: 10 0 minutes read

Baze Unidade CICNL, 17 Jullu 2026

Xefe Estadu Maior Jenerál F-FDTL halao vizita ba Unidade CICNL iha Metinaro hodi haree diretamente atividade no kapasidade operasional unidade refere.

Iha oportunidade ne'e, Lider F-FDTL ne'e mós halao enkontru ho Komandante Forsa Apoiu Jerál (FAG Sigla Portugues)Tenente Coronel João Bosco Ximenes "LENOK" no Komandante Sentru Instrusaun Komandante Nicolau Lobato (CICNL Sigla Portugues) Tenente Coronel Elizeu Guterres "XAVE'AS" ho nia estrutura hodi rona sira-nia relatóriu, troka hanoin, no fó orientasaun atu kontinua hametin unidade, disipliña no espíritu servisu iha instituisaun F-FDTL.

Durante vizita ne'e, Xefe Estadu Maior Jenerál mós vizita Salaun Memorial hodi fó respeitu no homenajen ba história, valor no sakrifísiu sira ne'ebé sai aliserse ba dezenvolvimentu F-FDTL.

Programa vizita kontinua ho inspesaun ba Hospital F-FDTL, ne'ebé nia haree diretamente kondisaun fasilidade saúde, rona relatóriu husi pesoál saúde, no fó orientasaun atu kontinua hasa'e kualidade atendimentu saúde ba membru F-FDTL no Família sira hotu.

Vizita ida-ne'e reflete komandu F-FDTL nia kompromisu atu hametin kapasidade institusionál, valór istóriku no bem-estar membru F-FDTL, hodi asegura Forsa Defeza ida ne'ebé profesional, moderna no prontu atu kumpre nia misaun konstitusionál.

Ekipa Média F-FDTL

Cabo J' Silva