Xefe Estadu Maior Jenerál FALINTIL-FDTL Falur Rate Laek Partisipa Iha Serimónia Abertura LAAD 2025 Iha Nasaun Brazil
Brazil, 01 Abril 2025
Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Domingos Raul "FALUR RATE LAEK" partisipa iha serimónia abertura feira internasionál LAAD Defeza no seguransa 2025 bá dala-15 ne'ebé hala'o iha Centro Rio Janeiro Brazil.
Feira Internasionál Defeza no Seguransa bá Forsa Mariña, Terrestre, Forsa Aérea, Seguransa Públika no Koporativa mak hatudu komérsiu defeza no seguransa ne'ebé bo’ot liu no importante iha Amerika Latina.
Espozisaun ne'e halibur hamutuk produtór no fornesedór teknolójia sira no Forsas Armadas, Polisia, Forsa Espesial, ezekutivu aas sira husi indústria defeza no seguransa no ajénsia Governu sira.
Feira Internasionál ne'e mós hala'o kada tinan hodi halibur hamutuk jestór sira husi empreza boot sira no hetan apoiu husi instituisionál sira hanesan Ministériu Defeza, Forsas Armadas, Ministériu Justisa no estrutura Seguransa Públika Brazil nian.
Delegasaun ne’ebé akompanha Xefe Estadu Maior Jenerál F-FDTL Tenente Jenerál Falur Rate Laek, maka kompostu husi Assessor CEMGFA Sr. Dino, Sekretaria Executiva CEMGFA Alferes Rogina de Araújo, Emfermeiro do CEMGFA Alferes Celestino Amaral.
Média F-FDTL
