Xefe Estadu Maior Jenerál Falur Rate Laek Vizita Baze Komponente Naval Te Taue Moana Marae Nova Zelândia

Nova Zelândia, 12 Marsu 2025

 

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek halo vizita bá baze Komponente Naval Forsas Armadas Nova Zelândia nian Te Taue Moana Marae, iha vijita ne'e simu diretamente husi Komandante Forsa Naval Nova Zelândia Air Marshal Tony Davies, MNZM.

 

Vijita ne'e hola parte iha ajenda partisipa iha enkontru entre Xefe Estadu Maior Jenerál Asia Pasifiku nian ho naran TOTARA WANANGA 2025 nian ne'ebé realija iha Nova Zelândia nomós objetivu husi Vijita bá baze Naval ne'e para atu haree diretamente Forsa Naval Nova Zelândia nian.

 

Delegasaun ne'ebé akompanha Xefe Estadu Maior Jenerál FALINTIL-Forsa Defeza Timor-Leste (F-FDTL) mak hanesan Ajudante Kampo CEMGFA Major José Pinto, Médiku CEMGFA Alteres Celestino Amaral, Sarjento Mor F-FDTL Alberto Moreira Freitas, tradutor Primeiro Sarjento Armando Soares Pinto no Seguransa CEMGFA Segundo Sarjento Oki.

 

Media F-FDTL