Xefe Estadu Maior Jenerál Halo Abertura Bá Jogu Taxa FALINTIL Cup Iha Ossu

Ossu, 01 Agosto 2026

Xefe Estadu Maior Jenerál FALINTIL-Forsa Defesa Timor-Leste (F-FDTL) Tenente Jenerál Domingos Raúl "Falur Rate Laek", akompañia husi Prezidente Autoridade Munisípiu Viqueque Sr. Francisco Cruz Simões de Gonzaga Soares, ofisialmente halo abertura bá taxa FALINTIL Cup, iha Kampu Futeból Ossu Munsípiu Viqueque.

Eventu ne'e realiza hodi komemora loron aniversáriu ezisténsia FALINTIL nian bá dala 51, nu'udar úniku Forsas Armadas Timor-Leste iha tempu rezisténsia hasoru inimigu sira.

Entertantu klubu ne’ebé partisipa iha taxa FALINTIL Cup hamutuk 40 no hahu ohin sei final iha 20 Setembru tinan ida ne’e.

Partisipa iha eventu ne’e maka hanesan, Xefe Estadu Maior Jenerál FALINTIL-Forsa Defesa Timor-Leste (F-FDTL) Tenente Jenerál Domingos Raúl "Falur Rate Laek, Prezidente Autoridade Munisípiu Viqueque Sr. Francisco Cruz Simões de Gonzaga Soares, Komandante PNTL Munisípiu Viqueque, Veteranus, Pe Parokia Viqueque, nomós Komunidade Viqueque oan tomak.

Media F-FDTL