Kuartel Jenerál, 26 Marsu 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek hetan Vijita husi Embaixadór Japaun nian iha Timor-Leste Sr. Embaixadór Yasushi Yamamoto, iha kna'ar fatin Kuartel Jenerál F-FDTL Fatuhada Dili.

Objetivu husi enkontru ne'e atu hametin nafatin kooperasaun entre Nasaun rua nian, liuliu iha Area Defesa nian entre Forsas Armadas Timor-Leste no Forsas Armadas Japaun iha futuru.

Alende ne’e, parte rua mós diskuti kona-bá asuntu importante hanesan apoiu tékniku bá setór defeza, embaixadór Japaun mós reafirma komitmentu Governu Japaun atu kontinua fó apoiu bá Timor-Leste, liuliu iha área kapasidade bá Forsas Armadas Timor-Leste.

Tenente Jenerál Falur Rate Laek mós agradese bá apoiu ne’ebé durante ne’e Japaun fó ona bá Timor-Leste, hanesan membru F-FDTL sira bá hala'o estudu iha Akademia Militár Japaun no kooperasaun entre Nasaun rua importante tebes.

Media F-FDTL

Sargento Carceres

Kuartel Jenerál, 17 Marsu 2026

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek ohin simu vijita husi Embaixadór Extra-ordináriu no Plenipotensiáriu Federasaun Rússia S.E. Sergei Tolchenov no Adido Defesa Rússia nian ne'ebé Rezidensia iha Jakarta Indonésia Koronel Maxim LUKIANOV, iha kna'ar fatin Kuartel Jenerál F-FDTL, Fatuhada, Dili.

Objetivu husi enkontru ne'e maka oinsá atu hametin relasaun entre FALINTIL-FDTL no Forsas Armadas Federasaun Rússia nian iha futuru alende ne'e halo mós diskusaun kona-bá perspektiva Kooperasaun bilateral iha âmbitu Seguransa no Defesa.

Media F-FDTL

Izidor Lopes

Kuartel Jenerál, 20 Agostu 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek simu Vijita husi Xefe Forsas Armadas husi Nasaun Fiji nian Major Jenerál Jone Kalouniwai, iha kna'ar fatin Kuartel Jenerál F-FDTL, Fatuhada Díli.

Media F-FDTL

2'Sargento Carceres

Domingos Sarmento

Kuartel Jenerál, 20 Agostu 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek, ohin simu vijita husi Xefe Estadu Maior Jenerál Diraja Brunei Darussalam Major Jenerál Dato Paduka Seri Haji Muhammad Haszaimi Bin Bol Hassan, iha Kuartel Jenerál F-FDTL, Fatuhada, Dili

Vijita ida ne'e hanesan pasu importante ida hodi hametin diak liutan lasu amizade entre Forsas Armadas Nasaun rua ne'e nian iha futuru liu liu FALINTIL-Forsa Defeza Timor-Leste (F-FDTL) ho Royal Brunei Armed Forces.

Iha intervista Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jeneral Falur Rate Laek hateten, ida ne'e hanesan enkontru entre ita ho Brunei Darussalam, tamba uluk Sultan mai vijita ona ita nia rain, nomós ita nia Prezidente Repúblika Dr. José Ramos Horta mós bá ona vijita iha ne'eba, pois foin dadauk ne'e hau mós hetan konvite iha fulan kotuk bá vijita iha Brunei Darussalam, ne'ebé ohin Jenerál Brunei mai vijita, ida ne'e hau mak konvida, nia mai atu asisti ita nia serimónia loron Aniversáriu FALINTIL nian bá dala 50, alende ne'e ita mós komesa ona integrasaun iha komunidade ASEAN nian ne'ebé ita tenke servisu hamutuk.

Nia hatutan tan katak ohin ami rua diskuti mós kona-bá dezenvolvimentu Forsas Armadas rai rua ne'e nian, hau mós husu sira nia espriénsia tama bà ASEAN nia laran, no sira nia preparasaun saida.

Bá oin Itá mós bele partisipa ona iha seminariu kona-bá defeza nian iha Brunei Darussalam, ne'ebé ita agora servisu hamutuk, no sira mós kontente atu servisu hamutuk no koopera diak ho ita tha futuru.

Media F-FDTL

Baquita Auxiliadora