Raeoa, 25 Setembru 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek ho delegasaun wainhira to'o iha Rejiaun Administrativa Espesial Oekuse Ambeno (RAEOA) no iha kalan halo kedas Vijita bá Postu destakadu FALINTIL-FDTL husi Komponente Terrestre iha SIKONE.

Iha Vijita Xefe Estadu Maior Jenerál FALINTIL-Forsa Defeza Timor-Leste (F-FDTL) halo enkontru ho Komandante kompanhia no nia membru sira, hodi halo enkontru ho membru sira.

Hau mai iha ne'e atu hare Itá bo'ot sira nia kondisaun no fó mensagem bá imi, Kontinua hametin imi nia kordenasaun diak ho Prezidente Autoridade sira nomós autoridade lokal sira inklui halo Ligasaun diak ho Itá nia komunidade sira espesial iha Rejiaun Administrativa Espesial Oekuse Ambeno (RAEOA), dehan Tenente Jenerál wainhira halo enkontru ho Militár sira iha Postu Sikone.

Vijita bá Postu simu direta husi Komandante Kompanhia Tenente Egidio de Jesus ho Ofisiál Ligasaun Tenente Infantaria José Monteiro Hamutuk ho katuas lia nain sira nomós sargento no Prasas sira iha Postu refere.

Media F-FDTL

Carceres

RAEOA, 26 Setembru 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek akompanha husi Segundo Komandante Komponente Naval Kapitaun Fragata Guido Guterres no Adjunto Divijaun Lojistika Major Infantaria Grigório Soares ho delegasaun halo Vijita bá Postu destakadu F-FDTL Komponente Naval husi Korpu Fuzileiros iha Oebau, Rejiaun Administrativa Espesial Oekuse (AMBENO).

Iha enkontru Xefe Estadu Maior Jenerál F-FDTL Tenente Jenerál Falur Rate Laek husu membru Komponente Naval ne'ebé destakadu iha Oebau, atu mantein nafatin disiplina loyal bá Komandante sira, respeitu autoridade lokal no komunidade Oekusse tomak, nafatin halo kordenasaun diak ho Prezidente Autoridade Rejiaun Administrativa Espesial Oekuse (AMBENO) no kontrola ekipamentus sira.

" Husu bá ita-bo'ot sira kontinua kria Relasaun diak ho Prezidente Autoridade RAEOA nomós Povu Oekusse tomak, tamba Itá nia Forsa mak povu, ne'e duni husu bá ita-bo'ot sira atu mantein disiplina no kontinua kria amizade diak ho ita nia komunidade sira".

Media F-FDTL

Alferes Pio Belo

2' Sargento Carceres

CITRANA, 20 Dezembru 2025 

Xefe Estadu Maior Jenerál FALINTIL Forsa Defeza Timor- Leste (F-FDTL) Tenente Jeneral, Domingos Raúl "Falur Rate Laek" hala'o Vizita bá iha Postu Polisia Unidade Patrolhamentu Fronteira (UPF) iha Aldeia Usapi Baat, Suku Beneufe Sub Rejiaun Nitibe, Rejiaun Administrativa Espesial Oecusse-Ambeno (RAEOA).

Objetivu husi Vijita iha Postu UPF ne'e maka hanesan atu mai fó nafatin korajen no moral bá membru sira ne'ebé maka destaka iha fronteira

" Ohin hau mai halo inaugurasaun iha Eskola 1 CICLO Falur Rate Laek iha Bitila no hau aproveita tempo hodi mai Vijita Itá bo'ot sira iha Postu ne'e, hanesan Xefe Estadu Maior Jenerál F-FDTL hanesan mós Veteranu ida, hau mai atu fó nafatin korajen no moral bá Itá bo'ot sira, tamba Itá hatene imi mak iha linha fronteira ne'ebé imi nia moral tenke forte nafatin, bom trabalho bá imi saúde diak, hare malu nafatin no kopera diak ho Itá nia komunidade sira hela besik iha ne'e". dehan Tenente Jenerál Falur Rate Laek.

Iha Vizita ne'e akompaña direta husi Prezidente Autoridade REAOA Sr. Régio Servantes Romeio da Cruz Salu, Komandante 2° Batillaun Komponente Forsa Terrestre Tenente Koronel Gregorio Bernado Correia, Komandante PNTL RAEOA, Ofisial Ligasaun Postu Sikone, Komandante postu F-FDTL sikone, Komandante Postu Fuzileiros Oebau, nomós akompaña husi F-FDTL husi Postu Destakadu RAEOA.

Média F-FDTL

Sargento Carceres & Bonifaçio Mendonça

Suku Maununo-Ainaro, 13 Outubru 2025

Segunda-Feira ne'e Xefe Estadu Maior Jenerál FALINTIL-FDTL Tenente Jenerál Domingos Raúl "Falur Rate Laek" Vizita komunidade suku maununo postu administrativu Ainaru villa munisípiu Ainaro hafoin simu husi autoridade suku no komunidade, veteranu sira Xefe Estadu Maior Jenerál F-FDTL Hakat ba vizita mós eskola EBF Maununo hodi halo dialogu hamutuk ho komunidade vetaranus, Juventude no estudante sira.

iha vizita servisu ne'e simu direta husi Xefe suku Maununo, Vetaranus, komunidade no estudante sira Hafoin remata serimónia abertura ezersísiu Cobra-25 iha Kampu futebol Ainaru villa.

iha Dialogu ne'e Eis Funu nain aktual hanesan Xefe Estadu Maior Jenerál ne'e afirma Rai mamalau sai hanesan mós kontribuisaun bo'ot ba ukun rasik an ne'ebé hahú husi tinan 1975 to tinan 1999 ho nune'e vizita ne'e hanesan juramentu ida iha tempu rezisténsia ne'ebé uluk FALINTIL sira funu husi Tutuala to foho mamalau ne'ebé kuda metin iha fuan no la haluhan iha moris tomak.

Hafoin dialogu Xefe Estadu Maior Jenerál F-FDTL Tenente Jenerál Falur Rate Laek Entrega mós livru história ba iha kordenador eskola EBF Maununo, Entrega mós bola, kamizola bola nian, pasta, kadernu no seluk tan ba estudante sira.

Iha vizita ne'e akompaña husi Reprezentante Komandnte CFT, Komandnte FAG, Reprezentante Komandnte Aereo, Reprezentante Komandnte Naval, Segundo Komandante UF, Ofisiais Capitaens Asesor Australiano no veteranus sira.

EKIPA MÉDIA F-FDTL